SIGNED JERSEY
متجر كويتي ١٠٠٪ · شركة مرخّصة 2022/12863 · علامة تجارية مسجلة®

علّق الأساطير على طوفتك

Signed Jersey من أوائل المتاجر بالكويت المتخصصة بالكامل بالمقتنيات الرياضية الموقّعة، ووجهتك بالكويت والخليج للتيشيرتات والقطع الموقّعة الأصلية. نجيب لك توقيع أساطير مثل رونالدو وميسي ومارادونا وبيليه من مصادر موثوقة عالمياً، وكل قطعة معاها إثبات أصالة، شهادة من Beckett أو ICONS أو PSA وغيرها من الشركات العالمية، أو صور وفيديو التوقيع، ومبروزة بعناية هني بالكويت.

تمشّى بمعرضنا واختار قطعتك، أو جاوب على ٣ أسئلة ونختار لك الأنسب.

تمشّى بالمعرض
—قطعة متوفرة
+20Kمتابع على إنستغرام
حتى 4دفعات مع تالي
6دول خليجية نوصلها

المعرض

نوع القطعة
القاعة

من المصدر لطوفتك

  1. 01المصدرنطلب بس من مصادر موثوقة ومعروفة عالمياً، وموزعين حصريين لأكبر شركات التوثيق.
  2. 02التحققنطابق الملصق والشهادة مع سجل شركة التوثيق، أو نراجع صور وفيديو التوقيع، قبل ما نعتمد أي قطعة.
  3. 03التركيبكل برواز نركّبه بيدنا من الألف للياء، مع الصور ولوحة باسم اللاعب.
  4. 04التسليمتغليف محكم، وإثبات الأصالة مع القطعة، وتوصيل لأي دولة خليجية.

شوف الرحلة خطوة بخطوة 👇

عندك تيشيرت غالي عليك؟ نبروزه لك

خدمة تبرويز كاملة من الألف للياء.

يبدأ من 30 د.ك

السعر حسب المقاس وتصميم البرواز.

  1. 1توصلنا القطعةأو نستلمها منك
  2. 2نختار وياك التصميمالمقاس ولون البرواز
  3. 3نركّبها ونسكّر البروازبنفس جودة براويز قطعنا
  4. 4نوصلها لكأو تستلمها من عندنا

📍 متوفرة بالكويت ودول الخليج. للخليج تنضاف تكاليف الشحن والاستلام والتوصيل حسب الوزن، ونأكدها معك قبل.
ما نوثّق القطع اللي يجيبها الزبون — الخدمة تبرويز بس.

منو احنا

Signed Jersey متجر كويتي ١٠٠٪ وبإدارة كويتية، مرخّص رسمياً ومتخصص بالقطع الرياضية الموقّعة الأصلية. من الكويت نجيب لك تيشيرتات وصور وكور موقّعة بيد أساطير الكورة والرياضة، ونبروزها هني بديرتنا عشان توصلك جاهزة تتعلق على طوفتك.

كل تيشيرت وراه قصة: هدف ما ينتسى، نهائي تاريخي، أو لاعب صنع تاريخ ناديه. واحنا نخلي هالقصة عندك بالبيت أو المكتب، بتوقيع صاحبها.

ليش Signed Jersey؟

  • كويتي ١٠٠٪: من أهل الديرة، ونخدمك بنفسنا من أول رسالة لين توصلك القطعة.
  • المصدر أهم شي: نتعامل بس مع مصادر موثوقة ومعروفة عالمياً، وموزعين حصريين لأكبر جهات التوثيق.
  • كل قطعة موثّقة: معاها إثبات أصالة، شهادة من Beckett و ICONS و PSA وغيرها من الشركات العالمية، أو صور وفيديو التوقيع.
  • شركة مرخّصة وعلامة تجارية مسجلة: شركة سايند جيرزي لترويج المنتجات، مرخّصة رسمياً بدولة الكويت (2022/12863)، و Signed Jersey® علامة تجارية مسجلة باسمنا.
  • براويز تنسوى بعناية بالكويت: تحمي القطعة وتبيّن جمالها.
  • نوصل لكل دول الخليج، والقطعة توصلك مغلّفة بأمان.

عندك سؤال؟

شلون أتأكد إن القطعة أصلية؟

كل قطعة معاها إثبات أصالة: شهادة من شركة توثيق (نطابقها مع سجل الشركة قبل البيع)، أو صور وفيديو التوقيع. والقطع اللي معاها شهادة (مثل PSA وBeckett وICONS)، رقم الشهادة كامل يوصلك مع القطعة: تدخله بموقع شركة التوثيق ويطلع لك سجل التوقيع.

شلون توصلني القطعة؟

قبل ما نرسلها نشيك على القطعة وتوثيقها، نركّبها بالبرواز ونتأكد من سلامته، وبعدين نغلفها تغليف محكم، وتوصلك جاهزة تتعلق على طوفتك. شوف الرحلة بالصور

أقدر أحجز قطعة؟

إي. كلمنا على الواتساب ونتفق على العربون وتاريخ الحجز، والقطعة تنحجز لك. العربون ينخصم من السعر. إذا عدلت عن الحجز ما يُرد العربون، وينرد كامل إذا قطعة «بالدرب» ما وصلت أو وصلت مختلفة عن وصفها. التفاصيل بـالشروط والأحكام.

تبروزون تيشيرتي؟

إي، التبرويز يبدأ من 30 د.ك حسب المقاس وتصميم البرواز، بالكويت ودول الخليج (للخليج تنضاف تكاليف الشحن). ما نوثّق القطع اللي يجيبها الزبون. خدمة التبرويز

أقدر أرجّع أو أبدّل القطعة؟

إي، خلال 14 يوم من الاستلام، حسب الشروط اللي بـسياسة الاسترجاع.

أقدر أقسّط؟

إي، مع تالي على حتى 4 دفعات بدون فوائد.

شلون أدفع بتالي؟
كم ياخذ التوصيل داخل الكويت؟

توصلك القطعة خلال 4 أيام عمل بالكثير، وسعر التوصيل حسب منطقتك ويطلع لك بالسلة قبل الدفع.

توصلون برا الكويت؟

إي، نوصل لكل دول الخليج: السعودية، البحرين، الإمارات، قطر وعُمان. التوصيل ياخذ تقريباً 10 أيام عمل، وسعر التوصيل يطلع لك بالسلة قبل الدفع.

شلون أعرف بالقطع الجديدة أول؟

اشترك بقناتنا على الواتساب Signed Jersey Store Channel، وكل قطعة جديدة وأي تحديث يوصلك أول بأول.

أبي لاعب مو موجود عندكم

قول لنا منو، ونبلغك أول ما تنزل له قطعة.

تابعنا وتواصل معنا